O programa de #SilverBullet17 abrirá co relatorio de José Luis Iparraguirre, titulado “A PMO, o inimigo na casa?”, patrocinado por Bahía Software. Iparraguirre, enxeñeiro industrial pola Universidade de Navarra, é director de IAL Software Engineering.
Con máis de 30 anos de experiencia no sector TI, a súa actividade xira en torno ao uso do Modelo CMMI como paradigma para a mellora da competitividade das empresas. É High Maturity Lead Appraiser e Instrutor do Modelo CMMI, realizando máis dun cento de diagnósticos en empresas por todo o mundo, en países como España, Xapón, Nova Zelandia, Australia, Estados Unidos, México, Perú, Colombia, Chile, Arxentina, Uruguai, Costa Rica, Panamá, Venezuela, Canadá, Suíza, Italia, Reino Unido, Sudáfrica, Israel, Ucraína, Rusia, Hungría, Polonia ou Rumania.
Colaborou na avaliación tecnolóxica de programas internacionais sobre robótica avanzada e mecatrónica e conta cunha ampla carreira no desenvolvemento de sistemas de control avanzado para o seu uso en sectores críticos, en Dinamarca e España.
